Parte Hartzea:

2008 / 09 / 10 / 11 / 12 / 2013 / 2014 / 2015 / 2016 urteetan jaiotako ikasleek parte ahal izango dute.

Izen Ematea/Kuota:

Izen-ematea 2023 abenduaren 13tik egin ahal izango da, bai ikastetxeen edo Guraso Elkarteen bidez, bai banaka (Eskolakoa edo/eta Gaztedi). Taldeek gehienez 25 partaide izango dituztelarik. (ARAUDIA IKUSI).

BANAKAKOA-GAZTEDI: Izen-ematea gurasoak edo tutoreak egin behar izango du (aurrez aurre edo telefonoz) Federazio honetan zuzenean. Eskatutako datuak hurrengo hauek izango dira: Izen/abizenak, jaiotze data, harremanetarako telefonoa(k), Aitaren edo Amaren helbide elektronikoa, ikastetxea, Udala eta Gaztediren kasuan (azken 10 digituak).

BIZKAIKO IKASTETXEA/GURASOEN ELKARTEA: Izen ematea zure Ikastetxeak edo Guraso Elkarteak egin beharko du, gure Aldundiaren Eskola Kirolaren programaren bidez.

PLAZAZ IZENA EMATEN DEN HURRENKERAN EMANGO DIRA.

Izen emateko kuota 21 €takoa da.

TXANGOAK HONAKO ALDERDIAK DITU:

• Autobusez bidaiatzea
• Pistan sartzea, patinak eta kaskoa alokatzea.
• Ordubeteko ikastaroa.

TXANGOAREN PROGRAMA

Capuchinos kalean, EITB-ko egoitzaren ezkerraldean (ikusi argazkia), Bilbon 09:00etan. Puntual izatea eskatu nahi dizuegu, saiatu irteteko ordua baino 10 edo 15 minutu lehenago egoten.
Gasteizko Izotz Pistara 10:00etan helduko gara.
Ikastaroa 10:15ean gutxi gorabehera hasiko dugu. Ikastordu horretan irristatzen ikasi eta hobetzeko ariketak eta jolasak egongo dira.
Izotz-pistatik 12:50ean aterako gara.
14:00etan Kaputxinos kalera helduko gara.

Garrantzitsua:

Ogitartekoa edo antzeko zer edo zer eroan hamaiketakorako.

Eroan arropa egokia: kaleko arropa arrunta, ondo babestuta joan baina mugitzen utziko zaituzten jantziekin (ez ekarri bakerorik), edonolako eskularruak.

Bizkaiko Federazioak programazioa aldatzeko eskubidea dauka, bai eguraldiagatik bai bestelako arrazoi teknikoak direla-eta. Printzipioz eta bidaiatzeak arriskurik ekarri ezean, txangoak egin egingo dira.

Gogoratu: Federazioko begiraleak zuen zerbitzutara egongo dira une guztietan, ez izan zalantzarik eduki dezakezuen edozein arazoren berri emateko, zuei laguntzeko daudelako.

DIRU-SARRERA

Ordainketa, 96 orduko epean egin beharko duzue, Federazio honen Kutxabankeko kontuan ES32 2095 0360 18 3830811741, diru sarketa bat eginez, umearen izen abizenak jarriz.

Arautegia:

• Goizeko 09.00etan aterako da autobusa, Bilbon, Capuchinos kalean, EITB-ko egoitzaren ezkerraldean (ikusi argazkia).
• Eskola umeek arropa egokia eraman beharko dute eta batez ere eskularruak.
• Eskola ume bakoitzak bereizgarria (petoa, zapia edo antzekoren bat) eraman beharko du eta bereizgarri hori ikusteko moduan eraman beharko du beti.
• Ordu beteko (1) eskola emango da eta nahitaez parte hartu beharko dute umeek bertan.
• Kaskoa erabiltzea derrigorrezkoa izango da. Federazioak emango dio kaskoa ume bakoitzari.
• Patinaje librea egiten ari diren bitartean arduradunek zainduko dituzte umeak, monitoreen lana eskola umeak babestu eta zaintzea baita.
• Irteera bakoitzean 3 heldu joango dira, Federazioko arduraduna eta 2 monitore.
• Irteera gunetik irten eta berriz hara heldu arte lau arduradun horiek izango duten umeen ardura.
• Umeren batek diziplina hutsegitea egingo balu, eskola umea ohartarazi egingo litzateke.
• Beste hutsegite bat eginez gero, umeak ezin izango luke Federazioak antolatutako beste irteeraren baten parte hartu.